Azyq-túlik tapshylyǵy táýekelin anyqtaýdyń ádisi engiziledi — Shaqqalıev
ASTANA. KAZINFORM — Saýda jáne ıntegratsııa mınıstri Arman Shaqqalıev azyq-túlikpen qamtý, ónim qaýipsizdigi jáne baǵa máselesin kóterdi.
— Saýda salasynda kún saıyn 25 mıllıonnan astam fıskaldyq chek tirkeledi. Platformada elektrondyq shot-faktýra men kassalyq chek deregin salystyrýǵa negizdelgen saýda ústemesine monıtorıng júrgiziledi. Baqylaýdy kúsheıtý úshin satyp alý jáne bólshek baǵany aıqyndaý baǵa ózgerisin anyqtaý taýar sanattary, óńirler men jetkizýshiler boıynsha ústeme deńgeıin baǵalaýǵa qatysty analıtıkalyq platforma ázirlep jatyrmyz, — dedi Arman Shaqqalıev Úkimet otyrysynda.
Sondaı-aq vedomstvo basshysy azyq-túlik qaýipsizdigi boıynsha arnaıy dashbord engiziletinin málim etti.
— Bul azyq-túlik teńgerimin baǵalap, tapshylyq táýekelin ýaqtyly anyqtaýǵa múmkindik beredi, — deıdi ol.
Sondaı-aq elimizde azyq-túlik vaýcheri pılottyq jobasy iske qosylady.
Aıta keteıik, elimizde jańa saýda marketpleısin iske qosý pysyqtalyp jatyr.