«Azyq-túlik korporatsııasy UK» AQ qarjy departamentiniń dırektory men bas mamany sottaldy
ASTANA. KAZINFORM – Astana qalasynyń qylmystyq ister jónindegi aýdanaralyq sotynyń úkimimen «Azyq-túlik korporatsııasy UK» AQ qarjy departamentiniń dırektory N.G. Jumadilov jáne bas mamany G.J. Ábenov sottaldy.
Sybaılas jemqorlyqqa qarsy is-qımyl agenttiginiń málimetinshe, olar kásipkerden qujattardy jınaý boıynsha buryn kórsetken qyzmetteri úshin, sondaı-aq astyq túrinde taýarlyq nesıe berý týraly shartqa qol qoıýǵa kómekteskeni úshin para aldy dep kúdiktendi. Sottalǵandarǵa qatysty sot sheshimimen memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyra otyryp, jalpy somasy 48 mln teńge aıyppul túrinde jaza taǵaıyndaldy.
Qala prokýratýrasy úkimdi bas bostandyǵynan aıyrý jazasyna ózgertý boıynsha apellıatsııalyq ótinish engizdi.
QR QK 41-babyna sáıkes aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylady.
Úkim zańdy kúshine engen joq.
