Azyq-túlik ınflıatsııasy kóptegen elde baıqalýda – mınıstr
ASTANA. KAZINFORM – Saýda jáne ıntegratsııa mınıstri Arman Shakqalıev eldegi baǵany Eýropamen salystyratyn jáne aıtarlyqtaı aıyrmashylyq kórmeıtin qazaqstandyqtardyń narazylyǵyna jaýap berdi.
«Adam árqashan óz elindegi jaǵdaılar men shyǵyndardy basqalarmen salystyratyny anyq. Biraq biz, mysaly FAO halyqaralyq uıymy usynǵan baǵalardyń dınamıkasyna nazar aýdaramyz. Sońǵy baǵa ındeksterine sáıkes, bizde belgili bir korrelıatsııa bar. Sút ónimderine, qantqa, ósimdik maıyna kelsek, FAO-nyń sońǵy ındeksteri boıynsha, búkil álemde qymbattap jatyr. Túrli elderdegi taýarlardyń jekelegen pozıtsııalary jóninde suraǵyńyzben kelispeımin, bul óte aýqymdy uǵym, naqty qaı eldi aıtyp turǵanyńyzdy bilmeımin», - dep jaýap berdi mınıstr Úkimettegi baspasóz máslıhatynda tilshi saýalyna.
Mınıstrdiń aıtýynsha, jaqyn mańdaǵy Ázerbaıjanda azyq-túlik ınflıatsııasy 10,4%, Ózbekstanda — 15,1%, Reseıde — 8,2% quraıdy. Belgııa men Frantsııada bul kórsetkish 7,2%, Túrkııada 72%, Egıpette 60% kórsetken.
«Sondyqtan munda bári salystyrmaly. Bir jerde azyq-túlik ınflıatsııasy, baǵa ındeksi aıtarlyqtaı joǵary, bir jerde bizben shamalas. Árıne biz taldaý júrgizemiz, korrelıatsııany, álemdik trendterdi, osy naryqtardyń, onyń ishinde bizdiń ishki naryqtyń qamtamasyz etilý jaǵdaıyn, tolyqtyǵyn qarastyramyz. Gastronomııalyq qyzmetter qunyna qatysty belgili bir baǵa qatarlary bar. Munyń bári fast-fýd nemese premıým meıramhana sekildi segmentke baılanysty. Sondyqtan biz aımaqtyq maǵynada jáne álemdik deńgeıdegi tabelderde antıkóshbasshy emespiz. Qyzmetterdiń quny, gastronomııanyń quny boıynsha bári sizdiń talǵamyńyzǵa jáne qarjylyq múmkindikterińizge baılanysty», - dep túsindirdi Arman Shakqalıev.
