Azyq-túlik: elde negizgi otandyq ónimder qanshalyqty qamtamasyz etilgen

- Qazaqstan negizgi azyq-túlik túrleri boıynsha jalpy alǵanda ishki qajettilikti qamtamasyz etedi. Negizgi azyq-túlik ónimderiniń basym bóligi boıynsha qamtamasyz etý deńgeıi 80%-dan joǵary. Sonymen qatar, qus eti, balyq, qant, irimshik pen súzbe, shujyq ónimderi jáne alma boıynsha qamtamasyz etý deńgeıin 80%-ǵa jetkizý maqsatynda otandyq óndiristi ulǵaıtý jáne ımportty almastyrý jóninde nysanaly jumys júrip jatyr. Máselen, sút salasynyń shıkizat bazasyn nyǵaıtý maqsatynda taýarlyq-sút fermalaryn salýǵa jeńildetilgen nesıeleý baǵdarlamasy iske asyrylyp jatyr. Jalpy, jyldyq qýattylyǵy 500 myń tonnadan asatyn 95 sút-taýar fermasy qarjylandyryldy, onyń ishinde 71 ferma paıdalanýǵa berildi. Osy jyldyń sońyna deıin jyldyq qýattylyǵy shamamen 100 myń tonna bolatyn taǵy 19 fermany iske qosý josparlanyp otyr, - dedi A.Sultanov Úkimet otyrysynda.

Onyń aıtýynsha, qus sharýashylyǵy salasynda da júıeli jumys júrip jatyr. Sońǵy bes jylda qus etiniń óndirisi 58%-ǵa artty, ımport kólemi 25%-ǵa qysqardy, al ishki naryqty otandyq qus etimen qamtamasyz etý deńgeıi 58%-dan 78%-ǵa deıin ósti. Ósim qoldanystaǵy kásiporyndardyń óndiristik qýattaryn keńeıtý jáne jańa óndiristik qýattardy iske qosý esebinen qamtamasyz etildi.

- Jańa jobalardy iske asyrý óndiris kólemin edáýir arttyrýǵa jáne ishki naryqty otandyq qus etimen tolyq qamtamasyz etýge múmkindik beredi. Munymen qosa, tamaq ónerkásibi turaqty oń serpin kórsetýde. Ósim negizgi azyq-túlik ónimderiniń barlyq túri boıynsha baıqaldy. 2025 jyldyń qorytyndysy boıynsha azyq-túlik óndirisiniń kólemi 4 trln teńgege jetip, 8,4%-ǵa artty. 2026 jyldyń birinshi jartyjyldyǵynda sala joǵary ósý qarqynyn saqtap, óndiris kólemi byltyrdyń sáıkes kezeńimen salystyrǵanda 14,7% ulǵaıdy, - dedi vıtse-mınıstr.

Buǵan deıin habarlanǵandaı, jarty jylda ishki taýar aınalymynyń kólemi 36,2 trln teńge boldy.