Azyq-túlik baǵasyn qoldan kótergen 4 myńnan astam kásipker jazalandy

ASTANA. KAZINFORM – Elimizde jyl basynan beri 4384 kásipker azyq-túlikti ústeme baǵamen satqan. Bul týraly Saýda jáne ıntegratsııa mınıstrligi saýda komıtetiniń tóraǵasy Aıdar Ábildabekov málim etti.

азық-түлік
Фото: Kazinform/Виктор Федюнин

— 2022 jyly 490 hattama toltyryldy, onyń ishinde 310 hattama ústeme baǵa qosý boıynsha. 2023 jyly 1008 hattama toltyryldy, onyń ishinde 760 hattama saýda ústeme baǵa qosýǵa qatysty. Jyl basynan beri baǵany qoldan ósirgeni úshin 4384 kásipker jaýapqa tartyldy, — dedi Aıdar Ábildabekov ortalyq kommýnıkatsııalar qyzmeti alańynda ótken baspasóz máslıhatynda.

Odan bólek Saýda komıteti jyl basynan beri áleýmettik mańyzy bar taýardyń baǵasyn kótergen 691 kásipkerdi anyqtap, ákimshilik jaýapkershilikke tartqan. 

— Qazir Saýda komıtetinde taǵy 79 materıal qaralyp jatyr, — deıdi ol.

Aıta keteıik, bıyl elimizde 100 bazar jańartylady. Aldymen Saýda jáne ıntegratsııa mınıstrliginiń ókilderi barlyq bazardy aralap, tekserip shyǵady. 

Sonymen qatar 2026 jyldan bastap ýaqtyly jańartylmaǵan bazar ıelerine aıyppul salyna bastaıdy. 

Sondaı-aq Saýda komıtetiniń tóraǵasy bazarlardy jańǵyrtýǵa qarjy qaıdan alynatynyn aıtty. 

Сейчас читают