Azyq-túlik baǵasy: pııaz 5,1%-ǵa, kartop 3%-ǵa tómendedi
ASTANA. KAZINFORM – 16 qyrkúıektegi jaǵdaı boıynsha, esepti aptada Qazaqstanda áleýmettik mańyzy bar azyq-túlik taýarlarynyń birqatary boıynsha baǵanyń tómendeýi tirkeldi.
Apta ishinde pııazdyń baǵasy 5,1%-ǵa, kartop — 3%-ǵa, sábiz — 2,4%-ǵa, aq qaýdandy qyryqqabat — 2,3%-ǵa, alma — 1,1%-ǵa, qant — 0,7%-ǵa, súzbe men taýyq eti — 0,4%-ǵa tómendedi.
Nan, makaron ónimderi, sıyr eti, qoı eti, taýyqtyń bólshektelgen bólikteri, sút, qaımaq, kúnbaǵys maıy, sary maı, tuz jáne shaı baǵasy ózgerissiz qaldy.
Óńirler bólinisinde birqatar qalada deflıatsııalyq dınamıka baıqaldy. Áleýmettik mańyzy bar azyq-túlik taýarlarynyń jalpy baǵasy apta ishinde Jezqazǵanda 0,3%, Semeıde 0,2%, Taldyqorǵanda 0,1%-ǵa tómendedi. Astana, Aqtóbe, Atyraý, Kókshetaý, Qonaev, Oral, Pavlodar, Petropavl jáne Túrkistan qalalarynda baǵalar aldyńǵy apta deńgeıinde saqtaldy.
Respýblıka boıynsha pııazdyń ortasha baǵasy kılogramyna 149 teńge. Eń tómen baǵa Pavlodarda tirkelip, kılogramy 119 teńge.
Kartoptyń respýblıka boıynsha ortasha baǵasy kılogramyna 211 teńge. Eń qoljetimdi baǵa Pavlodarda baıqalyp, kılogramy 135 teńge.
El boıynsha sábizdiń ortasha baǵasy kılogramyna 222 teńge. Eń tómen baǵa Pavlodarda tirkelip, kılogramy 140 teńge.
Qyzanaqtyń respýblıka boıynsha ortasha baǵasy kılogramyna 620 teńge deńgeıinde qalyptasty. Eń qoljetimdi baǵalar Tarazda — kılogramyna 378 teńge jáne Atyraýda — 396 teńge boldy.
Aıta ketelik eldiń qaı óńirinde azyq-túlik arzan ekendigin jazǵan edik.
