Azıadanyń tórtinshi jarys kúni sporttyń 9 túrinen medaldar jıyntyǵy sarapqa salynady

Atap aıtqanda, Astanadaǵy Respýblıkalyq velotrekte mánerler syrǵanaýdan jarystar bastalady. Al Shaıbaly hokkeıden Qazaqstannyń erler quramasy Azıada aıasyndaǵy ekinshi oıynyn Qytaılyq Taıpeımen ótkizedi. Osy kúni Japonııa men Koreıa hokkeıshileri de ózara sheberlik baıqasady.

Almatyda «Shymbulaq» bazasynda taý shańǵysy sportynan erler sýperkombınatsııa boıynsha synǵa túsedi. «Tabaǵan» sporttyq-saýyqtyrý kesheninde Frıstaıldan irikteý syny bolady, sodan keıin áıelder men erler parallel mogýl jattyǵýy boıynsha myqtyny anyqtaıdy. Al Balýan Sholaq atyndaǵy sport saraıynda hokkeıden áıelder komandalary arasyndaǵy jarys sheńberinde Japonııa-Soltústik-Koreıa, Qytaı-Qazaqstan quramalary oınaıdy. Soldat shatqalyndaǵy Shańǵy-bıatlon stadıonynda shańǵy jarysynan áıelder arasyndaǵy 5 shaqyrymdyq jekeleı syn, erler arasyndaǵy 10 shaqyrymdyq jekeleı syn jarystary bolady. Sondaı-aq osy stadıonda bıatlonnan áıelder arasyndaǵy 15 shaqyrymdyq jekeleı syn jarysy ótedi. Buǵan qosa shańǵymen baǵdarlaýdan erler men áıelder alys qashyqtyqqa synǵa túsedi. «Medeý» bıik taýly muz aıdynynda dopty hokkeıden aldyn ala oıyndar jalǵasady.