Azıadanyń saltanatty ashylýyna arnalǵan bıletter satylyp jatyr

Bul týraly búgin 7-qysqy Azııa oıyndaryn Uıymdastyrý komıtetiniń atqarýshy dırektsııasy marketıng departamentiniń demeýshilermen jumys jónindegi basqarmanyń bastyǵy Rýstam Shaıjúnisov aıtty.

«Azıadanyń ashylýy kezinde elordadaǵy «Astana Arena» stadıonynyń syıymdylyǵy 27 myń adamǵa arnalmaq. Búginde 18 myńǵa jýyq bılet satyldy»,-dedi ol.

R. Shaıjúnisovtyń sózine qaraǵanda, sońǵy kúnderi bıletterdi satyp alý deńgeıi arta tústi. «Qazirgi kezde bılet az qaldy. Sońǵy málimetterge qaraǵanda, atalǵan sharanyń saltanatty ashylýyna oraı satylyp jatqan bıletter áli de bar»,- dedi ol.

Azıadanyń ashylýyna arnalǵan bıletter Astanadaǵy «Almaty» bıznes ortalyǵy men «Saryarqa» oıyn-saýyq ortalyǵynda satylyp jatyr.