Azıadanyń osy ýaqyttaǵy nátıjesi: Qazaqstan quramasy birinshi orynda tur
ANA. 1 aqpan. QazAqparat /Gúlmıra Álıakparova/ - 7-Qysqy Azııa oıyndary aıasyndaǵy jarystardyń osy ýaqyttaǵy nátıjesi boıynsha, Qazaqstannyń quramasy beıresmı jalpy komandalyq esepte birinshi orynda tur.
Qazaqstannyń qorjynynda barlyǵy 27 medal bar, onyń 10-y altyn, 10-y kúmis, 7-eýi qola.
Ekinshi orynda 5 altyn, 3 kúmis jáne 3 qola medaldi ıelengen ońtústik koreılik sportshylar keledi.
Japon quramasy 3 altyn, 4 kúmis jáne 5 qola júldelerimen úshinshi orynǵa ornalasty. Azıadanyń basty komandasy eseptelinip kelgen qytaılyq sportshylar 3 altyn, 4 kúmis jáne 4 qola nagradamen ázirshe tórtinshi orynda tur.
Úzdik bestikti bir-bir qola medaldi enshilegen Iran jáne Mońǵolııa quramalary tuıyqtap otyr.
