Azıada oıyndarynyń kúmis júldegerine Astanadan páter berildi
Elordada «Astana» sport forýmy ótti. Іs-sharada Hanchjoýdaǵy Azııa oıyndarynyń kúmis júldegeri Galına Dývanovaǵa páter kilti tabystaldy, dep habarlaıdy Kazinform qala ákimdiginiń resmı saıtyna silteme jasap.
Elorda ákimdiginiń qoldaýymen «Qazaqstan sportshylar odaǵy» RQB uıymdastyrǵan is-shara Beıbitshilik jáne kelisim saraıynda ótti.
«Ákimdik pen Sortshylar odaǵy osy is-sharany birlesip ótkizý týraly sheshim qabyldady. Elordada sport salasy damyp keledi. Bul biz úshin erekshe mańyzǵa ıe. Sport adamdardy ǵana emes, elderdi de biriktiredi. Sporttyń kúshi mine osy», - dedi is-sharanyń ashylýynda Astana ákiminiń orynbasary Eset Baıken.
Forým barysynda úzdik sportshylar marapattaldy. Osylaısha, qazylar alqasy músheleriniń daýys berý qorytyndysy boıynsha nomınatsııalardyń jeńimpazdary atandy:
- «Sport ardagerleri» – Marat Qýanyshev, Mereı Aqshalov, Janat Manashev, Anatolıı Hrapatyı (qaıtys bolǵannan keıin);
- «Erler arasyndaǵy jyl sportshysy» – Nurbek Oralbaı;
- «Áıelder arasyndaǵy jyl sportshysy» – Jámıla Baqbergenova;
- «Áıelder arasyndaǵy para sportshy» – Aqmaral Naýatbek;
- «Erler arasyndaǵy para sportshy» – Erǵalı Shameı;
- «Sport túrleri boıynsha jyl jattyqtyrýshysy» – Dáýren Orazov;
- «Jyl jattyqtyrýshysy» – Asqar Erkebaev;
- «Jyldyń úzdik elordalyq federatsııasy» – Astananyń ulttyq jáne olımpıadalyq at sporty túrleriniń federatsııasy;
- «Ulttyq sport túrleri boıynsha úzdik sportshy» – Gúlnár Bazaralıeva;
- «Jyldyń úzdik balalar-jasóspirimder sport mektebi» – Astana ákimdiginiń «Balalar-jasóspirimder sport mektebi, múgedekterge arnalǵan sport mektebi» KMM;
- «Jyl serpilisi» – Nurjan Batyrbekov jáne «Jeńis» fýtbol komandasy;
- «Jyl metsenaty» – Dmıtrıı Inıýtın, Ashat Muqashev, Áset Nurǵojın, Qýanysh Nurtaqov.
Sonymen qatar qazylar alqasynyń daýys berý qorytyndysy boıynsha qazaqstandyq Sportshylar odaǵynyń demeýshisi Astanadaǵy jańa páterdiń kiltin Azııa oıyndarynyń kúmis júldegeri Galına Dývanova ıelendi.
Marapattaý rásiminen bólek, qonaqtarǵa arnap tanymal ártisterdiń qoıylymdary men sporttyq demonstratsııalardan turatyn mádenı baǵdarlamasy uıymdastyryldy.
