Azıadanyń búgingi medaldar kestesinde Qazaqstan quramasy qaı orynda tur

Qytaıdyń Hanchjoý qalasynda ótip jatqan Azııa oıyndarynyń ekinshi jarys kúninde Qazaqstan quramasynyń medaldar kestesinde qaı orynda turǵany belgili boldy, dep habarlaıdy QazAqparat tilshisi.

25 qyrkúıekte dzıýdoshylar Abylaıhan Jubanazar men Esmıgúl Kýıýlova, oq atýshy Nıkıta Chırıýkın «qola» medal aldy.

Al 24 qyrkúıekte dzıýdodan Abıba Ábýjaqynova (48 keli) kúmis, Maǵjan Shamshadın (60 keli) qola júldeger atandy.

Ekinshi jarys kúniniń nátıjesi boıynsha Qazaqstan quramasy medaldar kestesinde 10-orynnnan 15-orynǵa tómen tústi.

Bul jóninen kósh basynda 69 medalmen (39 altyn, 21 kúmis, 9 qola) Qytaı quramasy keledi.

Ekinshi oryndaǵy Ońtústik Koreıada 33 (10-10-13) medal bolsa, úshinshi oryndaǵy Japonııanyń qorjynynda 31 medal (5-14-12) bar.

Alǵashqy ondyqtaǵy quramalar tizimi:

1. Qytaı - 39-21-9 (69)
2. Ońtústik Koreıa - 10-10-13 (33)
3. Japonııa - 5-14-12 (31)
4. Ózbekstan - 4-4-6 (14)
5. Gonkong - 3-4-7 (14)
6. Úndistan - 2-3-6 (11)
7. Taıvan - 2-1-3 (6)
8. Indonezııa - 1-1-4 (6)
9. Taıland - 1-0-2 (3)
10. Makao - 1-0-1 (2)
15. Qazaqstan - 0-1-4 (5).