Azıadaǵa deıin taýǵa shyǵa alatyn tejegishteri bar arnaıy avtobýstardy satyp alý qajet - Almaty ákimi
nbsp;ALMATY. Naýryzdyń 24-i. QazAqparat /Danııar Sıqymbaev/ - Azıada nysandarynyń qurylysy boıynsha barlyq jumystar kestege saı júrgizilýde. Bul týraly búgin Almatydaǵy arnaıy keńeste qala ákimi Ahmetjan Esimov aıtty.
«Bizge qosymsha qarajattar bólingenine úlken rahmet. Bul bizdiń tıisti merzimge tolyq ázirlenýimizge múmkindik beredi. Syrtqy jarnama jónindegi jumystardy shapshańdatý qajet. Ýaqyt keldi, osynyń ózinen biraz qarjy tabýǵa bolady. Ekinshi -jarystardy kestege saı ótkizý úshin qazirdiń ózinde sport nysandarynyń ıelerimen, sondaı-aq qonaqúılermen jáne basqa da Azıada qonaqtary men qatysýshylar ornalastyrylatyn oryndar jóninde kelisý qajet. Bizde basqa másele joq», - dedi Almaty ákimi QR Premer-Mınıstri Kárim Másimovke.
«Jaqynda bizde Azııa Olımpıada komıtetiniń bas dırektory boldy. Biz ózimizde bar avtobýstardy paıdalanbaq bolǵanbyz, biraq taýǵa shyǵa alatyn, tejegishteri bar arnaıy avtobýs qajet eken. Sondyqtan da bizge sondaı avtobýstardy satyp alý joldaryn qarastyrý qajet. Bizge osyndaı 500-ge tarta avtobýs qajet», - dedi A.Esimov.
