Azıadaǵa baratyn balýandar anyqtaldy
ASTANA. QazAqparat - Grek-rım kúresinen Qazaqstan quramasynyń bas bapkeri Tańat Saǵyndyqov bıylǵy jyldyń qyrkúıek aıynda Ońtústik Koreıanyń Inhchon qalasynda alaýy tutanatyn Azııa oıyndaryna qatysýy múmkin balýandardyń esimderin atady, dep jazady "Aıqyn" gazeti.
Maıtalman mamannyń tańdaýy myna sportshylarǵa túsken eken: 59 keli - Almat Kebisbaev, 66 keli - Ashat Jańbyrov, 71 keli - Maqsat Erejepov, 75 keli - Dosjan Qartyqov, 80 keli - Azamat Qystýbaev, 85 keli - Nursultan Tursynov, 98 keli - Erulan Ysqaqov jáne 130 keli - Nurmahan Tynálıev.
«Ázirge osyndaı sheshim qabyldap otyrmyz. Alaıda Azııa oıyndarynyń bastalýyna áli biraz ýaqyt bar. Eger balýandarymyz jaraqat alǵan jaǵdaıda nemes baz bireýler osy aralyqta bosańsıtyn bolsa, onda olardy ózgelermen almastyrýymyz múmkin», - deıdi Tańat Saǵyndyqov.
Bıyl Azıadadan bólek, taǵy bir dúbirli doda bar. Ol - álem chempıonaty. Atalmysh jarys 27-29 qyrkúıek aralyǵynda Tashkentte ótedi. Elimizdiń ekinshi nómirli balýandary Ózbekstandaǵy básekede baq synaıdy, al bul jarysqa kimderdiń qatysany birer kúnnen keıin belgili bolady.
