Azıadadaǵy altyn úshin - mıllıon teńge
AQTÓBE. 8 aqpan. QazAqparat /Samal Endibaeva/ - Búgin Aqtóbe oblysynyń ákimi Eleýsin Saǵyndyqov 7-Qysqy Azıada oıyndarynyń júldegerlerimen kezdesti.
Kezdesýge qatysýshylar arasynda dopty hokkeıden ulttyq qurama múshesi, 15 jasar Sultan Qadyrjanov, halyqaralyq sanattaǵy sport sheberi Raısa Baılıeva, kıgboksıngten sport sheberine kandıdat, Azıadanyń qola júldegeri Aıbolat Maratuly bar.
Oblys ákimi Eleýsin Saǵyndyqov sportshylarǵa Azıadada qol jetkizgen jeńisteri úshin alǵys aıtyp, estelik syılyqtaryn tabys etti, sonymen qatar aqshalaı júlde de berdi.
Atap aıtqanda, Azıadada alǵan altyn júldesi úshin Sultan Qadyrjanov 1 mıllıon teńgege ıe boldy. Hromtaý qalasyndaǵy №2 gımnazııanyń 9-synyp oqýshysy oblys ákimine zor alǵysyn bildirdi.
