Azıadada júlde alǵan sportshylardyń aldy elge oraldy

ASTANA. QazAqparat - Búgin júzýden Azııa oıyndarynda eki márte qola júldegeri atanǵan Ádilbek Mýsın Astanaǵa ushyp keldi, dep habarlaıdy QazAqparat tilshisi.

QR UOK-niń baspasóz qyzmeti málim etkendeı ol Jakartadan Astanaǵa ushyp keldi.

Sportshy elorda áýejaıyna qonǵan bette onyń ata-anasy men bir top jankúıerler jınalyp, Ádilbektiń qýanyshyn birge bólisti.

«Azııa oıyndary sekildi iri jarystan alǵash ret júlde alyp otyrmyn. Qýanyshymda shek joq. Mundaı dodada jeńimpazdar qataryna qosylý men úshin úlken baqyt. Árbir sportshyǵa osyndaı sátti bastan keshirýdi shyn júregimmen tileımin. Komandalas jigitterge rahmet. Estafetalyq synda júldeger atanýdyń salmaǵy da, baǵasy da joǵary. Dál keshegideı qýanyshty sát qaıtalanǵanyn qalaımyn, árıne. Endi daıyndyǵymyzdy odan ári arttyryp, jankúıerlerdi qýantýǵa tyrysamyz», - deıdi Mýsın.

Eske sala keteıik, Ádilbek Mýsın 50 metrge batterflıaı ádisimen júzýde jáne estafetalyq synda qola júldeger atanǵan bolatyn.