Azıadada sporttyń 11 túrine Qazaqstan sýdıalary tórelik jasaıdy
ASTANA. QazAqparat - Ońtústik Koreıadada ótetin Azıada oıyndarynda sporttyń 11 túrine Qazaqstan sýdıalary tórelik jasaıdy. Bul týraly búgin QR Sport isteri jáne dene shynyqtyrý agenttigi tóraǵasynyń orynbasary Elsııar Qanaǵatov málim etti.
«Mańyzdy máselelerdiń biri Azıada oıyndaryna qazaqstandyq tóreshilerdiń qatysýy bolyp otyr. Búgingi tańda bizde sporttyń 11 túrinen tórelik jasaıtyn sýdıalar bar. Azııalyq federatsııa óz esebimizden issaparǵa jiberýimizdi ótinip otyrǵan jekelegen sýdıalar da bar», - dedi ol.
Aıta keteıik, qyrkúıektiń 19-y men qazannyń 4-i aralyǵynda ótetin 17-shi Azıada oıyndaryna sporttyń 39 túrinen 400-410 qazaqstandyq sportshy qatysatyndyǵy josparlanýda. Bul ótken Azıada oıyndaryna qaraǵanda 40-50 adamǵa jáne sporttyń 3 túrine artyq.
