Azıadada mınıstr Qazaqstan vaterpolshylarynyń jeńisin qalaı boljady
«Eger sportshylarǵa senip, olarǵa qoldaý jasasaq, onda 100 paıyz nátıjege qol jetkizýge bolady. Vaterpolo týrnırindegi fınalda biz japondyqtarǵa 2:5 esebimen jeńilip jatqan edik. Negizi, japondyqtar №1 komanda bolyp sanalady», - dep toqtaldy mınıstrlikte ótken baspasóz máslıhatynda Sáken Musaıbekov.
Onyń sózine qaraǵanda, atalǵan jarys barysynda mınıstr Arystanbek Muhamedıuly telefon shalyp, sportshylardyń jaǵdaıy týraly suraǵan.
«Jarys kezinde maǵan Arystanbek Muhamedıuly telefon shalyp, dodanyń mán-jaıy týraly surady. Óz kezegimde utylyp jatqanymyzdy aıttym. Sol kezde Arystanbek Muhamedıuly jarystyń aıaqtalýyna qansha ýaqyt qalǵanyn surap bildi. Osy oraıda eki kezeń qalǵanyn baıandadym. Mınıstr myrza «eshteńe etpeıdi, jetip alyp, jeńiske jetesińder» dedi. Men mınıstrge alǵysymdy aıtyp, tutqany qoıdym. Alaıda, A. Muhamedıulynyń eshqashan vaterpolo oınamaǵanyn da biletinmin. Barlyqtaryńyz kórdińizder, qarsylastarymyzdy 8:7 esebimen utyp kettik», - dedi vıtse-mınıstr.
Eske salsaq, Azııa oıyndarynda Qazaqstan quramasy 15 altyn, 17 kúmis jáne 44 qola medal alyp (barlyq medaldar sany - 76), jalpy reıtıngte toǵyzynshy orynnan kóringen bolatyn.
Budan buryn habarlanǵandaı, QR Mádenıet jáne sport mınıstri Arystanbek Muhamedıuly bıylǵy Azııa oıyndarynda Qazaqstannyń nelikten úzdik bestikke kire almaǵanyn túsindirip bergen edi.
