"Azıadada Qazaqstan quramasy qaı orynnan kórinedi?" - Qazaq sport jýrnalısteriniń boljamdary

Osy suraqtar tóńireginde birqatar qazaq sport jýrnalısteri óz boljamdaryn bildirdi. «Alash aınasy» respýblıkalyq qoǵamdyq-saıası gazetiniń sport sholýshysy Nurǵazy Sasaevtyń pikirinshe, Ulttyq qurama keminde 15 altyn oljalap, beıresmı jalpykomandalyq esepte 2-orynǵa turaqtaýy tıis.

«Tuńǵysh ret óz jerimizde ótetin 7-Qysqy Azııa oıyndarynda Qazaqstan sportshylary namysty qoldan bermeýge tyrysady, árıne. El namysy tarazyǵa tartylatyn dúbirli dodalarda altyn medaldyń salmaǵy basym, mártebesi joǵary ǵoı. Sondyqtan, bizdiń sportshylar kem degende 15 altyn alýlary kerek. Negizi, altyn sany jıyrmaǵa jetip jyǵylýy da ǵajap emes. Máselen, biz 7-Qysqy Azııa oıyndarynyń qojaıyny retinde osy dúbirli dodaǵa Azııanyń bosqa elderi shorqaqtaý eki sport túrin qostyq. Olar - shańǵymen baǵdarlaý jáne dopty hokkeı (bendı). Shańǵymen baǵdarlaý sportynda 8 medal jıyntyǵy sarapqa salynady. Al bendıde - bireý. Osy eki sporttyń túrindegi 9 altyndy bizdiń sportshylar alýlary kerek dep oılaımyn. Osydan tórt jyl buryn Chanchýnde ótken 6-Qysqy Azııa oıyndarynda bizdiń sportshylar 6 altyn alǵan bolatyn. Álgi 9-ǵa osy 6-ny qossaq 15 bolady. ıAǵnı, bul bizdiń kem degende alýymyz tıis altyndarymyzdyń sany dep esepteımin. Aq Azıada óz jerimizde ótetindikten, qyz-jigitterimiz qaısarlyq, jigerlilik tanytýlary tıis. Sonyń arqasynda altyn sany arta túsedi, degen pikirdemin. Shaıbaly hokkeıden eki altyn alsaq, shańǵyshy jigitterimizdiń de abyroıymyzdy asqaqtatýǵa áleýetteri jetedi. Shańǵymen júgiretin qyzdarymyz da senimdi aqtaıdy dep oılaımyn. Taý shańǵysy men bıatlonnan da altynsyz qalmaspyz. Vankýver Olımpıadasynda 12 jyl saryla kútken júldege jetkizgen Elena Hrýstaleva da osy jetistiginiń kezdeısoq emestigin dáleldeýge mindetti. Baqtary jansa, basqa sport túrlerindegi qyz-jigitterimiz de altynmen aptalyp, kúmispen kúpteler. Osydan tórt jyl burynǵy 6-Qysqy Azııa oıyndarynda Qytaı jalpy komandalyq esepte 19 altynmen birinshi oryn alǵan bolatyn. Endeshe, bizdiń sportshylar 15-20 altynmen jalpy komandalyq esepte kem degende ekinshi oryn alýlary kerek», - dedi N. Sasaev.

Respýblıkalyq «Aıqyn» gazetiniń sport sholýshysy Ǵalym Súleımenniń oıynsha, Qazaqstan quramasy bul joly aldyńǵy oryndarǵa umtylǵanmen, birinshi tuǵyrdyń aýyly alystaý sekildi. «Árıne, bizdiń elimizdegi qysqy sport túrleriniń Azııanyń kóp memleketterine qaraǵanda áldeqaıda alda ekeni málim. Áıtkenmen, meniń boljaýymda el quramasy 10 altyn, 10 kúmis, 6 qola júldeler qorymen 3 orynǵa turaqtaýy tıis», - deıdi Ǵ. Súleımen.

Elimizge tanymal sport kommentatorlarynyń biri - Eseı Jeńisuly bolsa, Ulttyq quramanyń bul dodada top jaratynyna senimdi. «Burynǵy Aq Azıada oıyndarynan belgili jaǵdaı, short-trek, konkı sekildi sport túrlerinen altyn júldeler basqalardyń qorjynynda ketedi. Oǵan múmkindigimiz az. Alaıda, qalǵan sport túrleriniń barlyǵynan derlik qazaqstandyqtardyń bas júldege talasýǵa mol múmkindikteri bar. Oǵan jáne ózimiz qosqan dopty hokkeı men shańǵymen baǵdarlaý saıystarynyń altyndaryn qosyńyz. Qoryta kelgende, el quramasy osy jolǵy Aq Azıadada birinshi oryndy ıelenedi dep oılaımyn», - degen pikirde E. Jeńisuly.

«Alaman» Ulttyq elektrondy basylymynyń Bas redaktory Raýan Oqas bul pikirge qarsy. «Altyn alady-aý degen sportshylarymyzdyń biri - Elena Hrýstaleva. Ol bıatlonnan 2010 jyly Vankýverde ótken Olımpıada oıyndarynyń kúmis júldegeri. Dál qazir Azııa qurlyǵynda teńdessiz Elena Azıada oıyndarynda jeńis tuǵyrynan kórinedi dep otyrmyz. Frıstaılshy Dmıtrıı Reıherd pen shańǵyshy Alekseı Poltoranın de joǵarǵy orynǵa dámeli. Bul eki sportshy da qazir halyqaralyq jarystarda top jaryp júr. Kúshteri sarqylmasa, qorjynǵa altyn salýy tıis. Al qazaq órenderi arasynan jankúıerler bıatlonshy Dıas Keneshovke úmit artady. Vankýver oıyndarynda qazaqtyń týyn ustap shyqqan dara ul, bul joly sol baıraqty kókte jelbiretedi degen oı basym. Halyqtyń nazary mánerlep syrǵanaýshylar Denıs Ten men Abzal Raqymǵalıevterge de aýady. Bul sportshylardyń biri qorjynǵa júlde salýy tıis. Dopty hokkeıden (bendı) áıelder men erler hokkeı quramasy altyn júldeger atanady degen oıdamyz. Qoryta kelgende, jalpy sany 13 altyn alamyz dep oılaımyn.Al, beıresmı jalpykomandalyq esepte, meniń paıymymsha, alǵashqy úshtikke enemiz. Áıtkenmen, birinshi orynǵa múmkindik azdaý sııaqty», - deıdi Bas redaktor.