Azıadada biz bir komanda bolamyz - palýan Nızamı Mamedov
ALMATY. 17 qańtar. QazAqparat /Aıgúl Turysbekova/ - "El quramasynyń múshelerine júktelip otyrǵan úlken jaýapkershilikti sportshy retinde jaqsy sezinemin.
Sportshylarymyz birer aptadan keıin ótetin Azıada oıyndarynda elimizdiń abyroıyn qorǵamaq. Biz qurama sportshylaryn qyzý qoldaıtyn bolamyz, sebebi biz bárimiz bir komandamyz", - deıdi erkin kúresten sport sheberligine kandıdat, Qazaqtyń Abaı atyndaǵy Ulttyq pedgogıkalyq ýnıversıtetiniń 3 kýrs stýdenti Nızamı Mamedev.
Jas sportshynyń aıtýynsha, Azııalyq oıyndar - sportshylar úshin óte jaýapty jarys qana emes, ol búkil elimiz úshin aıtýly oqıǵa. «Azıada Qazaqstannyń álemdik sporttaǵy roli men ornyn bekitedi. Sportshylarymyz elimizdiń týyn kókke kóteredi jáne kóp medal qanjyǵalaıdy degen úmittemiz»,- deıdi ol.
Elimizdiń óskeleń urpaǵy Azıadadan keıin sportqa jańasha kózqaraspen qaraıtyndyǵyna nyq senim bildirgen jas palýan Nızamı Mamedov: "Osynaý baıraqty básekeden keıin kekildi uldar men burymdy qyzdar salaýatty ómir saltyna beıimdelip, sportpen belsendi aınalysa bastaıdy dep oılaımyn», - dedi.
