Azıada jáne EQYU sammıti kezinde buryndary qylmystyq jaýapkershilikke tartylǵan adamdar jiti baqylaýda bolady - QR ІІM
STANA. Qyrkúıektiń 21-i. QazAqparat /Jasulan Amanbaıuly/ - Azıada- 2011 jáne EQYU sammıtiniń qarsańynda qaýipsizdik sharalary maqsatynda buryndary qylmystyq jaýapkershilikke tartylǵan adamdar jiti baqylaýda bolady.
Bul týraly búgin Astanada «Bnews.kz» portalynda ótken onlaın konferentsııada QR Іshki ister mınıstriniń orynbasary Aleksandr Kýlınıch málim etti.
«EQYU-na múshe memleketter basshylarynyń sammıti men 7-shi qysqy Azııa oıyndary syndy eleýli sharalardyń ótýi kezeńinde qoǵamdyq tártipti kúzetý maqsatynda Іshki ister mınıstrligi buryn-sońdy bolmaǵan qaýipsizdik sharalaryn qolǵa alýda», dedi A.Kýlınıch.
Onyń aıtýynsha, buryndary qylmystyq jaýapkershilikke tartylǵan, quqyq qorǵaýshylardyń aldyn alý esebinde tirkeýde turǵan jáne búgingi ýaqytta eshbir jerde jumys jasamaıtyn azamattar jiti baqylaýda bolady.
«Olarǵa qatysty joǵary qadaǵalaý sharasy qoldanylady. Polıtseıler tek aldyn alý sharalaryn ótkizip qana qoımaı, sonymen qatar olarmen ózin-ózi ádebi jóninde jeke-jeke jumystar jasaıdy», dedi mınıstrdiń orynbasary.
Sonymen qatar, shara ótetin kezderi qalada kúzet pen qaýipsizdik sharalary kúsheıtilmek.
