Azıada jalaýy kezekti qabyldaıtyn el - Japonııaǵa tabys etildi
ALMATY. 6 aqpan. QazAqparat /Elena Ilınskaıa/ - Azıada jalaýy kezekti qabyldaıtyn el - Japonııaǵa tabys etildi. 8-qysqy Azııa oıyndary Sapporo qalasynda ótkiziledi.
Jalaýdy bizdiń oıyndardyń qaharmany - qazaqstandyq quramanyń dopty hokkeıden belgili forvardy Raýan Isalıev alyp shyǵyp, ony Almaty qalasynyń ákimi Ahmetjan Esimovke, odan keıin japondyq taraptyń ókiline tabys etti.
Saltanatty sharanyń fınalynda 8-qysqy Azııa oıyndary ótetin qala - Japonııanyń Sapporo qalasynyń tanystyrylymy jáne Azıada Alaýyn saltanatty sóndirý rásimi boldy. Budan keıin Qazaqstannyń estrada sheberleri qorytyndy vokaldyq kompozıtsııa oryndady. Azıadanyń jabylýy otshashýmen aıaqtaldy.
Esterińizge sala keteıik, 7-qysqy Azııa oıyndarynda 69 medaldar jıyntyǵy oınaldy, oǵan 27 eldiń ókilderi qatysty.
Alǵashqy qysqy Azııa oıyndary 1986 jyly japondyq Sapporo qalasynda ótken bolatyn. Ekinshi Azıada da 1990 jyly Sapporoda ótti. Úshinshi qysqy Azııa oıyndary 1996 jyly qytaılyq Harbın qalasynda boldy. Tórtinshi Azıada koreıalyq Kangvon qalasynda 1999 jyly boldy. Besinshi Aq Azıada 2003 jyly japondyq Aomorı qalasynda, al altynshy ret qytaılyq Chanchýn qalasynda 2007 jyly ótti.
