Azıada: jaǵajaı voleıbolynan Laýra Qabylbekova men Mereı Qojahmet juby shırek fınalǵa ótti
ASTANA. KAZINFORM - HH jazǵy Azııa oıyndarynda jaǵajaı voleıbolynan áıelder arasyndaǵy pleı-off oıyndary ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Búgin Qazaqstan áıelder komandasynyń ókili Laýra Qabylbekova men Mereı Qojahmet 1/8 fınalda Gonkongpen tartysty kezdesý ótkizip, 2:0 (21:19, 21:19) esebimen basym tústi. Odan keıin Krıstına Karımova men Ekaterına Rıýhova juby da óner kórsetip, Taıland ókilderine 0:2 (8:21, 7:21) esebimen jol berdi.
Jalpy XX jazǵy Azııa oıyndary 4 qazanǵa deıin jalǵasady. Qazaqstan Ulttyq quramasynyń sapynda 558 sportshysy qatysyp jatyr. Olar jarys baǵdarlamasyndaǵy 35 sport túrinen júldege talasady.
Aıta keteıik, osyǵan deıin ártistik júzýden Qazaqstan quramasy Azııa oıyndaryndaǵy ekinshi qola júldesin jeńip alǵan bolatyn.
