Azıada úshin salynǵan sporttyq ǵımarattar bolashaq sportshylar úshin asa qajet, olar álemde teńdesi joq úzdik nysandardyń qataryna kiredi-AOK prezıdenti Sheıh ál-Fahad ál-Sabah
ATY. 15 aqpan. QazAqparat /Erbol Turymbetov/ - Azııa olımpıadalyq keńesiniń prezıdenti Sheıh ál-Fahad ál-Sabah Almaty qalasynyń ákimi Ahmetjan Esimovke 7-qysqy Azııa oıyndarynyń jaqsy ótkenine baılanysty alǵys hat joldady.
Sheıh ál-Fahad ál-Sabah jazǵan hatynda Qazaqstan úshin tarıhı oqıǵa bolyp qalǵan Azıada oıyndarynyń uıymdastyrylý jaǵynan keremet ótkenin aıta kelip, atalmysh uıymmen bite qaınasa qyzmet etkenderi úshin alǵysyn bildirgen. Sondaı-aq ol óz hatynda Ahmetjan Esimov basqaryp otyrǵan Almaty qalasyndaǵy sporttyq ǵımarattar jáne ondaǵy sportshylar men qonaqtarǵa jasalǵan jaǵdaıdyń kóńilden shyqqanyn erekshe atap ótken. Sonymen qatar AOK prezıdenti ««Azıada-2011» dodasynyń uıymdastyrylýy men ótkizilýi budan bylaıǵy osy básekeni qabyldaıtyn elder úshin úlgi bolatyndyǵyn aıtqan.
Azıada úshin arnaıy salynǵan sporttyq ǵımarattardyń bolashaq sportshylar úshin asa qajetti ekenin aıta kele, Sheıh ál-Fahad ál-Sabah sol nysandardyń álemde teńdesi joq úzdikter qataryna kiretinin atap ótken.
