AZIADA: Taý shańǵysy sportynan qyzdar arasyndaǵy sýperkombınatsııa jarysynda ońtústik koreıalyq sportshy Kım Sýn Djý top bastady
ALMATY. 4 aqpan. QazAqparat - 7-Qysqy Azııa oıyndarynyń eki dúrkin jeńimpazy ońtústikkoreıalyq sportshy Kım Sýn Djý (Kim Sun Joo) taý shańǵysy sportynan qyzdar arasyndaǵy sýperkombınatsııa jarysynyń birinshi kezeńinen keıin kósh bastady.
Birinshi kezeńde sportshylar sýperkombınatsııanyń birinshi túri - sýpergıgant slalomynan óner kórsetti. Kım Sýn Djý qashyqtyqty 1 mınýt 8,31 sekýndta eńserdi. Odan 0,36 sekýnd qalyp qoıǵan qazaqstandyq sportshy Lıýdmılı Fedotova ekinshi orynda keledi. Al úshinshi orynǵa taǵy bir jerlesimiz Ksenııa Stroılova ornalasty. Ol ońtústikkoreıalyq sportshydan 3,91 sekýndqa qalyp keledi.
