Azıada: Sýǵa júzýden Ádilbek Mýsın qola júlde aldy
Qytaıdyń Hanchjoý qalasynda ótip jatqan XIX jazǵy Azııa oıyndarynda sýǵa júzýden Ádilbek Mýsın qola júlde aldy, dep habarlaıdy QazAqparat tilshisi.
Qazaqstandyq sportshy 100 metrge butterfly ádisimen júzýde 51.98 ýaqyt kórsetkishimen úshinshi bolyp keldi.
Bıylǵy Azııa oıyndary belgili sebepke baılanysty bir jylǵa shegerilgeni belgili. Endigi kezekte dúbirli doda bıyl 23 qyrkúıek pen 8 qazan aralyǵynda ótedi.
Elimizdiń atynan dúbirli dodada 30 sport túrinen 524 qazaqstandyq (262 er, 262 áıel) sańlaq baq synaıdy.
Osyǵan deıin Aıan Tursyn ýshý-sanda sportynan qola júldeger atanǵanyn jazdyq.
