AZIADA: Shaıbaly hokkeıden Qyrǵyzstan quramasy premer-dıvızıonynda birinshi orynda keledi
ASTANA. 3 aqpan. QazAqparat /Arman Asqarov/ - Astanadaǵy «Barys» sport kesheninde 7-Qysqy Azııa oıyndary aıasynda ótip jatqan shaıbaly hokkeıden premer-dıvızıon jarystarynyń jeńimpazdary anyqtalyp keledi.
Búgingi tańda birde-bir ret jeńilmegen Qyrǵyzstannyń quramasy birinshi orynda keledi. Buǵan deıin ol Taıland, Birikken Arab Ámirlikteri, Mońǵolııa men Malaızııany jeńip, keshe ǵana Bahreın komandasymen bolǵan kezdesýde 15:10 esebimen basym tústi. Sport sarapshylarynyń aıtýynsha, kelesi Kýeıt hokkeıshilerimen bolatyn oıynda qyrǵyzstandyqtar jeńilse de, aınalymdaǵy úzdik nátıjeleriniń arqasynda birinshi orynǵa ıe bolmaq. Biraq osy ýaqytqa deıin kýeıttikter birde-bir ret jeńiske jetken joq. Sondyqtan Qyrǵyzstan quramasy bul oıynda da jeńimpaz atanýy ábden múmkin.
Premer-dıvızıonda 2-3-oryndar úshin Taıland, Malaızııa, Mońǵolııa jáne Birikken Arab Ámirlikteri talasady.
