AZIADA: Shańǵymen tuǵyrdan sekirýden komandalyq synda Qazaqstan kúmis júldege ıe boldy
ATY. 2 aqpan. QazAqparat /Nazıra Eleýhan/ - Búgin Almatydaǵy Shańǵymen tuǵyrdan sekiretin halyqaralyq keshende 7-Qysqy Azııa oıyndarynyń baǵdarlamasyndaǵy bıiktigi 125 metrlik tuǵyrdan sekirýden komandalyq jarys aıaqtaldy.
Jarys nátıjesi boıynsha birinshi oryndy Japonııa quramasy jeńip aldy. Ekinshi orynǵa, ıaǵnı kúmis júldege Qazaqstan qurama komandasy ıe boldy. Al, úshinshi oryn Koreıa komandasyna buıyrdy.
Esterińizge sala keteıik, bul jarysqa ár komandadan 4 sportshydan qatysty. Qazaqstan namysyn Nıkolaı Karpenko, Radık Japarov, Alekseı Korolev jáne Evgenıı Levkın qorǵady.
Endi bul sport nysanynda 4 aqpan kúni bıiktigi 95 metrlik metrlik tuǵyrdan sekirýden jekeleı syndar ótedi.
