AZIADA: Shańǵymen erler arasynda 10 shaqyrymǵa jarysýdan jekeleı synda N. Chebotko kúmis, A. Poltoranın qola júldeger atandy
ATY. 3 aqpan. QazAqparat /Erlik Erjanuly/ - Japonııalyq shańǵyshy Ioshıda Keıshın erler arasynda 10 shaqyrymǵa jarysýdan jekeleı syn jarysynda chempıon atandy.
Ol atalmysh qashyqtyqty 29 mınýt 39,2 sekýndta júgirip ótti. Bul jarysta altynnan basty úmitkerler bolǵan jerlesterimiz Nıkolaı Chebotko men Alekseı Poltoranın úmitti aqtaı almady. Nıkolaı Chebotko kúmis júldeger, al Alekseı Poltoranın qola júldeger atandy. Bulardyń ýaqyt kórsetkishteri tıisinshe 30 mınýt 22,7 sekýnd jáne 30 mınýt 29,0 sekýnd.
Aıta keteıik, keshe ótken shańǵy jarysynan erler arasyndaǵy 15 shaqyrymdyq jekeleı synda da Ioshıda Keıshın chempıon atanǵan bolatyn. Otandasynan 27 sekýndqa qalyp qoıǵan Narýse Nobý kúmis júldeni ıelendi. Bul synda Nıkolaı Chebotko 51 mınýt 30,1 ýaqyt kórsetkishimen qola júldeni qanjyǵasyna baılaǵan bolatyn. Taǵy bir jerlesimiz Sergeı Cherepanov tórtinshi oryndi mise tutqan-dy.
