AZIADA: Shańǵymen baǵdarlaý sportynan O. Novıkova Qazaqstan qorjynyna 12-altyn medaldi saldy
ATY. 2 aqpan. QazAqparat /Erbol Azanbek/ - Qazaqstandyq sportshy Olga Novıkova shańǵymen baǵdarlaý sportynan ortasha qashyqtyqqa jarysýda 7-Qysqy Azııa oıyndarynyń chempıony atanyp, altynnan alqa taqty.
Bul Qazaqstan quramasynyń Aq Azıadadaǵy 12-altyn medali. Jerlesimiz ara qashyqtyqty 31 mınýt 11 sekýndta eńserdi. Kúmis júlde de bizdiń quramanyń enshisinde. Komandalasynan 3 mınýt 35 sekýnd qalyp qoıǵan Evgenııa Kýzmına kómbege ekinshi bolyp keldi. Qola júldeni qytaılyq Lıý Sıaotın (Liu Xiaoting) ıelendi.
Aıta keteıik, bul Olga Novıkovanyń 7-Qysqy Azııa oıyndaryndaǵy 2-altyn medali. Budan eki kún burynǵy jarysta ol sprınterlik jarysta chempıon atanǵan bolatyn. Ol jarysta Lıý Sıaotın kúmis júldeger atansa, Evgenııa Kýzmına qola júldeni qanjyǵasyna baılaǵan bolatyn.
