Azıada oıyndarynyń jabylý rásimine 700-deı ártis qatysty - bas prodıýser Arman Dáýletııarov
ALMATY. 6 aqpan. QazAqparat /Erlik Erjanuly/ - Almatydaǵy Balýan Sholaq atyndaǵy sport saraıynda 7-qysqy Azııa oıyndarynyń jabylý rásimindegi shoýǵa tek almatylyq artıster qatysty.
Bul týraly shoýdyń bas prodıýseri Arman Dáýletııarov baspasóz máslıhatynda málimdedi.
«Bul sharaǵa 700-deı ártis qatysty. Oǵan sheteldik artıster qatystyrylmady. Ony bul sharany uıymdastyrý kezinde aldymyzǵa basty maqsat etip qoıdyq. Shoýǵa qatysqan artısterdiń bári almatylyq», - deıdi Arman Dáýletııarov.
Al kreatıvtik prodıýser Roman Býtovskııdiń aıtýynsha, ondaǵy negizgi tuǵyrnama mahabbat pen otbasy boldy. Óıtkeni 7 kúnniń ishinde Almaty men Astana qalalarynda ótken 7-qysqy Azııa oıyndaryn Azııanyń 45 memleketiniń turǵyndary birdeı tamashalady. Bári ózin ortaq úıde júrgendeı sezindi. Sondyqtan Azıadanyń jabylý rásiminde de osy ıdeıa negizge alyndy. Oǵan osy shoýdy uıymdastyrýshylar 2,5-3 aıdaı ýaqytyn jumsaǵan. Jalpy 7-qysqy Azııa oıyndarynyń ashylý rásimi men Almatydaǵy jabylý rásimin ótkizýdi bir-birinen táýelsiz eki komanda júzege asyryp otyr.
