Azıada oıyndarynyń daıyndyǵyna jáne ony ótkizýge respýblıkalyq bıýdjetten 35 mıllıardtan astam teńge jumsalady - QR Qarjy mınıstrligi
ASTANA. Qazannyń 1-i. QazAqparat - 2011 jyly ótetin jetinshi Azıada oıyndarynyń daıyndyǵyna jáne ony ótkizýge respýblıkalyq bıýdjetten 35,063 mıllıard teńge jumsalatyn bolady, (2010 jyly - 33,515 mıllıard teńge) dep túsindiredi Qarjy mınıstrligi óz aqparatynda.
Vedomstvonyń habarlaýynsha, onyń ishinde Oıyndardyń ashylý jáne jabylý rásimderine - 7,074 mıllıard teńge, mádenı sharalarǵa - 1,527 mıllıard teńge, tele- jáne radıohabarlar taratýdy qamtamasyz etý men (host-júıe) Azıada oıyndaryn tanystyryp, jarııa etýge - 9,633 mıllıard teńge, daıyndaý jáne ótkizý jónindegi 2010 jyly atqarylǵan uıymdastyrý-tehnıkalyq sharalarǵa - 15,863 mıllıard teńge, 2011 jyly atqarylatyn sharalarǵa - 1,548 mıllıard teńge qarastyrylǵan, delingen habarlamada.
Jańa sport nysandarynyń qurylystaryna jáne qoldanystaǵy nysandardy qaıta jańartý jumystaryna 2006-2011 jyldar aralyǵynda 195,7 mıllıard teńgedeı ınvestıtsııa salyndy bul qarajat Astana men Almaty qalalarynyń bas damý josparlarynda qarastyrylǵan. Bul ıgi sharalar Qazaqstanda buqaralyq sporttyń jáne sporttyq jetistikterdiń damýyn qamtamasyz etýge múmkindik beredi, dep habarlady Qarjy mınıstrliginen.
