Azıada oıyndarynyń altyn júldegeri Dmıtrıı Barmashov ofıtser ataǵyna ıe boldy
ÓSKEMEN. 21 aqpan. QazAqparat /Lıýdmıla Malko/ - Shyǵys Qazaqstan oblysy Tótenshe jaǵdaılar departamentiniń basshylyǵy Azıada oıyndarynda frıstaıldyń mogýl túrinen altyn júldege ıe bolǵan Dmıtrıı Barmashovqa QR Tótenshe jaǵdaılar mınıstrligi bergen kezekti leıtenant ataǵyn tabys etti.
Bul týraly Tótenshe jaǵdaılar departamenti málim etti.
Esterińizge sala keteıik, Dmıtrıı Shyǵys Qazaqstan oblysy Tótenshe jaǵdaılar basqarmasynyń qyzmetkeri bolyp tabylady, sonymen qatar órt sóndirý qyzmeti salasynda eki jyldan beri jumys istep keledi. Tynymsyz eńbegi men jetistikke jetkeni úshin QR TJM-nyń buıryǵyna sáıkes D.Barmashovqa ofıtser ataǵy berildi.
Al Dmıtrıı Barmashovtyń ózi bolsa, Azıadadaǵy altynyna qaramastan, áli kóp ter tógý kerek dep sanaıdy. «Eshqashan bir orynda turyp qalmaý kerek. Endi meniń mindetim Sochıde ótetin Olımpıadada osyndaı nátıjege qol jetkizý. Al ázirge, bıylǵy jyldyń naýryz aıynda men Shvetsııada ótetin Álem kýbogyna qatysýdy kózdep otyrmyn, sondyqtan demalatyn ýaqyt joq», - deıdi ol.
