Azıada oıyndarynda eń kóp altyn júldeni qandaı atletter jeńip aldy
ASTANA. QazAqparat - QR Jeńil atletıka federatsııasy Jazǵy Azıada oıyndarynda Qazaqstan qorjynyna eń kóp júlde salǵan sportshylardyń kimder ekenin jarııalady, dep habarlaıdy QazAqparat tilshisi.
Federatsııa taratqan málimetke súıensek, 1994 jyldan beri Qazaqstan qorjynyna eń kóp altyn júldeni syılaǵan jeńil atletter eken. 1994-2014 jyldar aralyǵynda Qazaqstan jeńil atletteri Azııa oıyndarynda jalpy sany 61 medal jeńip alǵan. Onyń ishinde 22-si altyn, 21-i kúmis,18-i qola medal.
Ekinshi orynda baıdarka jáne kanoe esýshiler. Olardyń enshisinde 50 medal bar (21 altyn,16 kúmis, 13 qola). Úshtikti nysana kózdeýshiler qorytyndylap tur (18 altyn, 23 kúmis, 29 qola).
Azıa oıyndarynda jeńil atletterden Oleg Sakırkın (1994, úsh qarǵyp sekirý), Olga Shıshıgına (1994 jáne 1998 jyldary, 100 metrge tosqaýyldar arqyly júgirý), Igor Potapovıch (1994 jáne 1998 jyldary, syryqpen sekirý), Sergeı Korepanov (1994, sporttyq júris), Sergeı Arzamasov (1998, úsh qarǵyp sekirý), Natalıa Torshına (1998 jáne 2002 jyldary, 400 metrge tosqaýyldar arqyly júgirý), Valerıı Borısov (2002, 20 shaqyrymǵa sporttyq júris), Grıgorıı Egorov (2002, syryqpen sekirý), Dmıtrıı Karpov (2006 jáne 2010 jyldary, onsaıys), Olga Tereshkova (2006, 400 metrge júgirý), Marına Aıtova (2006, bıiktikke sekirý), Olga Rypakova (2006, 2010, 2014 jyldary, jetisaıys pen úsh qarǵyp sekirý), Margarıta Muqasheva (2010 jáne 2014 jyldary, 800 metrge júgirý), Olga Safronova (2014, 200 metrge júgirý) top jarǵan.
Esterińizge sala keteıik, Jazǵy Azııa oıyndary bıyl Djakartada (Indonezııa) 18 tamyz ben 2 qyrkúıek aralyǵynda ótedi. Qurlyqtyq jarysta 462 medaldar jıyntyǵy sarapqa salynady. Qazaqstannan 419 sportshy sporttyń 38 túrinen jarys jolyna shyǵady dep josparlanǵan.
