Azıada oıyndary tarıhynda tuńǵysh ret «Azıada arýy» anyqtalady
ALMATY. 19 qańtar. QazAqparat /Názıra Eleýhan/ - Almatyda 7-Qysqy Azııa oıyndary aıasynda qala ákimdiginiń qoldaýymen tuńǵysh ret «Azıada arýy-2011» sulýlyq baıqaýy ótedi. 31 qańtar kúni sportshylar, mádenıet qaıratkerleri jáne Azııadaǵy olımpıadalyq qozǵalys basshylarynyń ókilderi aqtyq synnyń kýágerleri bola alady.
Baıqaýǵa úsh irikteý synnan ótken, 18 ben 25 jas aralyǵyndaǵy, ár túrli sport túrlerimen aınalysatyn qyzdar qatysady. Aqtyq synda Azıada oıyndary tarıhynda tuńǵysh ret «Azıada arýy» ataǵynyń ıegeri anyqtalady. 20 úmitkerdi elimizdiń sport, shoý-bıznes jáne sán áleminiń tanymal tulǵalary tańdap, qazylyq jasaıdy. Shara baǵdarlamasynda qazaqstandyq estrada juldyzdary óner kórsetedi. Sonymen qatar, dızaıner Kenje Devıatko óz kıim sán úlgilerin kórsetedi. Baıqaýdyń áriptesi Chopard kompanııasy. Ol basty syılyqtardy usynady.
Qazirgi ýaqytta elimizdiń barlyq aımaqtarynda baıqaýǵa qatysýshylardy irikteýde. Usynystar www.missasiada.kz ǵalamtor saıtyna jáne ProFashion www.pro-fashion.kz . saıtynda qabyldanýda. Іrikteý talaptaryna saı keletin barlyq qyzdar ótinishterin 21 qańtarǵa deıin atalmysh saıtqa jibere alady.
Baıqaýdyń jartylaı fınaly 23 qańtar kúni «Rixos» qonaqúıinde tanystyrylym túrinde ótpek. Іrikteýden ótken qyzdar aqtyq synǵa joldama alady. Olar aldyn ala bir apta kásibı mamandardyń daıyndyǵynan ótedi.
