Azıada oıyndary ótetin sporttyq nysandardaǵy jóndeý jumystary kestege sáıkes júrgizilýde
LMATY. Mamyrdyń 15-i. QazAqparat /Erbol Azanbek/ - Almaty ákimi Ahmetjan Esimov kúrdeli jóndeý júrgizilip jatqan sport keshenderinde bolyp, olardyń jumystarymen tanysty, dep habarlaıdy QazAqparat qala ákiminiń baspasóz qyzmetine silteme jasap.
Qala ákimi aldymen Ortalyq stadıondy aralyp kórdi. Bundaǵy jóndeý jumystary ótken jyldyń qazan aıynda bastalǵan bolatyn. Qazirgi kezde sý qubyrlary men alańdy jylytý, sý shashý qurylǵylaryn ornatý jumystary aıaqtalyp, seısmobekitý men trıbýnalardy jóndeý júrgizilip jatyr. Alańdy tolyq jóndeý shilde aıynda, al stadıondaǵy jalpy jóndeý jumystary jyldyń aıaǵyna deıin aıaqtalmaq. Qurylys júrgizýshi kompanııa ókilderi jóndeý jumystarynyń kestege sáıkes júrgizilip jatqanyn habarlady.
Ákim aralap kórgen taǵy bir nysan Balýan Sholaq atyndaǵy sport saraıy men halyqaralyq shańǵy tramplıni kesheninde de jóndeý jumystary kesteden keshikpegen. Qazirgi kezde sport saraıynda syrtqy árleý jumystary men kópqabatty avtoturaq qurylysy júrgizilýde. Merdiger kompanııa ókilderi jóndeý jumystaryn meriziminde aıaqtaımyz dep otyr. Ákim óz kezeginde olarǵa sapaǵa mán berýin tapsyrdy.
