Azıada oıyndary kezinde qoǵamdyq tártipti qamtamasyz etýge 9 myńnan astam polıtsııa qyzmetkeri jumyldyrylatyn bolady - Іshki ister mınıstri S.Baımaǵambetov
ALMATY. 9 jeltoqsan. QazAqparat /Elena Ilınskaıa/ - Azıada oıyndary kezinde qoǵamdyq tártipti qamtamasyz etýge 9 myńnan astam polıtsııa qyzmetkeri jumyldyrylatyn bolady.
Almaty qalasynda 3 myń polıtseı tartylmaq. Almatynyń sport nysandaryn aralaǵan Úkimet basshysy Kárim Másimovtyń qatysýymen ótken búgingi keńeste Іshki ister mınıstri Serik Baımaǵambetov osylaı dedi.
Mınıstrdiń aıtýynsha, qosymsha polıtsııa kúshteri basqa óńirlerden tartylatyn bolady.
«EQYU sammıtine júrgizilgen daıyndyq barysyndaǵydaı, biz uıymdastyrý sharalarynyń josparyn ázirleıtin respýblıkalyq shtab qurdyq. Almaty jáne Astana qalalarynda da jedel shtabtar qurylyp otyr», - dedi mınıstr S.Baımaǵambetov óz sózinde.
Almaty Іshki ister departamentiniń bastyǵy Erlan Turǵymbaev óz kezeginde, qalada qaýipsizdik máselelerine aıryqsha nazar aýdarylatynyn aıtty. Atap aıtqanda, búkil qala boıynsha 700 beınebaqylaý kamerasy ornatylady, oǵan qosa 143 polıtsııa beketi jumys isteıtin bolady.
