Azıada ótkizý úshin salynǵan barlyq nysandar respýblıkalyq menshikte qalady
STANA. Qazannyń 25-i. QazAqparat /Rýslan Ǵabbasov/ - Azıada ótkennen keıin, oǵan arnalyp salynǵan barlyq nysandar respýblıkalyq nemese kommýnaldyq menshikte qalady. Búgin Parlament Májilisindegi «Nur Otan» HDP fraktsııasynyń keńeıtilgen otyrysynda QR Úkimet basshysy Kárim Másimov osylaı málim etti.
Aldaǵy jyly elimizde qysqy Azıadany ótkizýge respýblıkalyq jáne jergilikti bıýdjetterden aýqymdy resýrstar bólingenine toqtalǵan K. Másimov: «Menińshe, osy eleýli shara qarsańynda salynǵan nysandar Qazaqstannyń sporttyq iri derjava bolýyna múmkindik beredi»,-dedi. Osy oraıda Úkimet basshysy Azıada ótkennen keıin salynǵan barlyq nysandar respýblıkalyq nemese kommýnaldyq menshikte qalatynyn jetkizdi. «Atap aıtqanda, jekeshelendirýge eshqandaı da nysandy shyǵarmaımyz»,-dep atap ótti Premer-Mınıstr.
Úkimet basshysy sporttyq nysandardyń basqarýshylary iri sporttyq sharalardy ótkizý arqyly atalǵan nysandardy qajetti resýrstarmen qamtamasyz etýi kerektigin aıtty. Bul óz kezeginde týrızmdi damytýǵa janama áser beredi, sondaı-aq jalpy damýǵa jańa múmkindikter jasaıdy. K. Másimov bolashaqta Qazaqstan birqatar nysandardy salý arqyly 10-15 jylda budan da iri sporttyq sharalardy ótkize alatynyn qadap aıtty.
