Azıada ótetin barlyq sporttyq nysandar ornalasqan oryndar kórsetilgen navıgatsııalyq karta iske qosyldy
ASTANA. 17 qarasha. QazAqparat /Jasulan Amanbaıuly/ - VII qysqy Azııa oıyndarynyń resmı áriptesi Nokıa uıaly telefondar baılanysy kompanııasy Qazaqstanda Ovi navıgatsııalyq kartasyn iske qosty.
Nokıa kompanııasynyń aımaqtyq ókildiginiń basshysy Karel Golýbtyń aıtýynsha, uıaly telefondarǵa ornatylatyn tegin navıgatsııalyq qosymsha júrginshilerge nemese kólik júrgizýshilerine Azıadanyń barlyq negizgi sporttyq nysandary ornalasqan jerlerin kórsetip otyrady.
«Azıada ótkiziletin sporttyq keshenderden bólek, beınenavıgatsııalyq kartalarda qonaqtar men sportshylardyń ornalastyrylǵan jerleri, Almaty men Astana qalalarynyń sporttyq emes oryndary da kórinis tabady», deıdi «VII qysqy Azııa oıyndaryn uıymdastyrý komıtetiniń atqarýshy dırektsııasy» AQ-nyń vıtse-prezıdenti Evgenıı Nıkıtınskıı.
Nokıa kompanııasy osynaý jobany álemniń 78 elinde qolǵa alǵan. Qazaqstan jergilikti mekenniń kartasy kórsetilip otyratyn mobıldi navıgatsııalyq júıege qol jetkizip otyrǵan 79-shy el. Aıta keterligi, bul qosymshada qazaq tili engizilgen.
Budan basqa kompanııa «Azıada» atty mobıldi qosymshany jasap shyǵardy. Karel Golýbtyń aıtýynsha, qoldanýshylar qosymsha arqyly sporttyq sharalardyń kestesi, ótetin ýaqyty, jarys qorytyndylary týraly eń jyldam maǵlumattardy ala alady.
