Azıada nyshany beınelengen buıymdar shyǵaryldy
ALMATY. 24 qańtar. QazAqparat /Ádilet Musahaev/ - 7-Qysqy Azıada oıyndaryna keletin qonaqtar men óz azamattarymyzǵa Azıada nyshany beınelegen 50-ge tarta buıym ázirlendi.
Elimizde ótkeli otyrǵan Azıada oıyndarynyń resmı demeýshisi «Ádemi Aı» kompanııasy sapaly ári sońǵy úlgidegi túrli buıymdar jasap, olardy satylymǵa usynýda.
Buıymdar negizinen altyn, kúmis, farfor, hrýstal jáne polımer syndy materıaldardyń qospasymen jasalǵan. Bul zattardyń ishinde qajetti dúnıeler kóptep kezdesedi. Máselen, fleshka, kıimder, kádesyı, tipten Azıada nyshandary beınelengen brelok, keýde belgi men asyq jáne taǵy basqa zattar bar.
Kompanııa ókilderi ádette mundaı buıymardy shyǵarý «Ádemi aı» kompanııasyna tán emestigin, tek Azıada qarsańynda halyq qajettiline saı jasap jatqandyqtaryn aıtady.
Qazirgi tańda atalǵan kompanııanyń ónimderi sporttyq oıyndar ótetin keshender men Almatynyń iri saýda ortalyqtaryna jetkizilgen.
