Azıada nysandary elektr qýatymen jabdyqtaýdyń joǵary senimdilik rejimine aýystyryldy
ASTANA. 26 qańtar. QazAqparat - Indýstrııa jáne jańa tehnologııalar vıtse-mınıstri Dúısenbaı Turǵanov Azıada-2011 oıyndaryna daıyndyq júrgizý jáne ony ótkizý kezeńinde nysandardyń elektr qýatymen senimdi jabdyqtalýyn qamtamasyz etý máselesine arnalǵan keńes ótkizdi.
Azıadaǵa daıyndyq júrgizý jáne ony ótkizý kezeńinde, 25 qańtar men 7 aqpannyń aralyǵynda Azıada nysandary elektr qýatymen senimdi jabdyqtaýdyń joǵary rejimine aýystyrylmaq. Sonymen qatar, osy kezeńde Qazaqstannyń jáne Ortalyq Azııa elderiniń energojúıeleriniń parallel jumystaryn saqtaý jáne Soltústik-Ońtústik tranzıtiniń senimdiligin kúsheıtý sharalary da qabyldanyp otyr.
Vıtse-mınıstri D.Turǵanov, Memlekettik energetıkalyq qadaǵalaý komıtetiniń tóraǵasy A.Turlybek aımaqtyq elektr kompanııalarynyń, atap aıtqanda Astanadaǵy «Qalalyq elektr jelisi» AQ men Almatydaǵy «Alataý Jaryq kompanııasy» AQ-nyń ókilderimen birlesip, Azııalyq oıyndar ótetin nysandardyń elektr qýatymen senimdi jáne úzdiksiz jabdyqtalý jaǵdaıyn tekserip shyqqan bolatyn. Birqatar kemshilikter anyqtalyp, merdiger uıymdar men tapsyrys berýshilerge ol kemshilikterdi joıý týraly tapsyrmalar berildi.
