AZIADA: Mońǵolııa quramasy Kýáıt hokkeıshilerin 3:2 esebimen utty
ASTANA. 29 qańtar. QazAqparat /Arman Asqarov/ - Keshe 7-shi qysqy Azııa oıyndary aıasynda Astanadaǵy «Barys» sport kesheninde bastalǵan shaıbaly hokkeıden erler arasyndaǵy úshinshi oıynda Mońǵolııa men Kýáıt komandalary kezdesti.
Premer-dıvızıon sanatynda ótken qyzyqty da tartysty oıynnyń birinshi shaıbasyn Mońǵolııanyń Mıshıksýren atty hokkeıshisi Kýáıttiń qaqpasyna salyp, esep ashty. Osydan keıin Mońǵolııanyń quramasy qarsylastardyń qaqpasyna taǵy bir shaıbany kirgizip, 2:0 esebimen basym tústi. Kezdesýdiń sońǵy bóliminde ǵana Kýáıt quramasy Mońǵolııanyń qaqpasyna eki shaıba salyp, oıyn esebin teńestirýge tyrysty. Biraq buǵan deıin býlıt boıynsha Mıshıksýrenniń Kýáıttiń qaqpasyna salǵan úshinshi shaıbasy oıynnyń nátıjesin sheshti. Esep -3:2. Bul oıynda Mońǵolııa quramasy jeńdi.
Oıyn Kýáıt quramasy úshin aýyr boldy. Sebebi oıyn barysynda eldiń tórt birdeı hokkeıshisi jaraqat alyp, oıynnan shyǵýǵa májbúr boldy. Al Abdýlla Zeıdan esimdi kýáıttik sportshy aýrýhanaǵa jetkizildi.
