AZIADA: Mánerlep syrǵanýdan qytaılyq jup Pan Sın men Ton Tszıan erkin baǵdarlamanyń aldynda top bastady
ASTANA. 3 aqpan. QazAqparat /Gúlmıra Álıakparova/ - Búgin 7-Qysqy Azııa oıyndarynyń aıasynda Astanadaǵy Respýblıkalyq velotrekte mánerlep syrǵanaýdan juptardyń qysqa baǵdarlamasy aıaqtaldy.
Tóreshilerdiń qoıǵan baǵasy boıynsha birinshi kúnniń jarys nátıjesinde 68,36 upaı jınaǵan qytaılyq jup Pan Sın men Ton Tszıan top bastady. Olardyń otandastary Sýı Ventszın men Han Tsýn 59,22 upaımen ekinshi orynda keledi. Úshinshi orynda 53,60 upaımen soltústikkoreıalyq jup Lı Djı Han men Te Von Hok tur.
Qazaqstandyq jup - Lıdııa Vovlenko men Rýdı Vladımır jaraqatqa baılanysty muz aıdynyna shyqqan joq.
5 aqpan kúni juptardyń jarysy jalǵasatyn bolady, olar erkin baǵdarlama boıynsha óner kórsetedi.
