AZIADA: Mánerlep syrǵanaýshy D. Ten qysqa baǵdarlama boıynsha ázirge birinshi orynda keledi
ASTANA. 3 aqpan. QazAqparat /Gúlmıra Álıakparova/ - Aq Azıadanyń baǵdarlamasyna sáıkes, osy sátterde Astanadaǵy Respýblıkalyq velotrekte mánerlep syrǵanaýdan erler arasyndaǵy qysqa baǵdarlama boıynsha jarys ótip jatyr.
Otandasymyz Denı Ten 76,22 upaımen osy ýaqytqa deıin muz aıdynyna shyqqan sportshylardyń arasynda birinshi orynda keledi. Taǵy bir qazaqstandyq sportshy Abzal Rahymǵalıev 56,43 upaımen ázirge úshinshi orynda tur. Qysqa baǵdarlama boıynsha barlyǵy 14 mánerlep syrǵanaýshy óner kórsetetin bolady. Jeńimpazdar erteń, 4 aqpan kúni ótetin erkin baǵdarlama saıysynan keıin anyqtalady.
