AZIADA: Qytaı hokkeıshileri birinshi jeńisine qol jetkizdi
ASTANA. 4 aqpan. QazAqparat /Arman Asqarov/ - Búgin Astanadaǵy «Qazaqstan» sport saraıynda 7-Qysqy azııa oıyndary aıasyndaǵy shaıbaly hokkeıden joǵary dıvızıonda óner kórsetitip jatqan Qytaı men Qytaılyq Taıpeı komandalary kezdesti.
Match 10:1 esebimen Qytaı quramasynyń paıdasyna sheshildi, sóıtip olar Azıadadaǵy birinshi jeńisine qol jetkizdi. Buǵan deıin Qytaı quramasy Japonııadan 1:7 esebimen utylsa, Qazaqstanǵa 1:14 esebimen jeńilgen bolatyn. Qytaılyq Taıpeı bolsa, osymen qatarynan tórtinshi márte utyldy. Olar buǵan deıin Koreıadan 0:22, Japonııadan 0:18 jáne Qazaqstannan 0:35 esebimen tas-talqan bolyp jeńildi.
Qytaı quramasynyń bas bapkeri Lebedzeý Iohenıdiń aıtýynsha, Azııa oıyndarynyń tarıhynda qytaılyq hokkeıshiler Japonııada ótken Aq Azıadanyń alǵashqy saıystarynda ǵana jeńiske jetken bolatyn. «Ol kezde Qazaqstan quramasy shaıbaly hokkeı oıyndaryna qatysqan joq», - deıdi ol.
