AZIADA: Qyrǵyzstandyq hokkeıshiler ekinshi ret jeńiske jetti
ASTANA. 29 qańtar. QazAqparat /Arman Asqarov/ - Osydan birer mınýt buryn Astanadaǵy «Barys» sport kesheninde 7-qysqy Azııa oıyndary aıasynda bastalǵan shaıbaly hokkeıden erler arasyndaǵy jarystardyń tórtinshi kezdesýi aıaqtaldy.
Premer-dıvızıon sanatynda Qyrǵyzstan men Birikken Arab Ámirlikteriniń qurama komandalary kezdesti. Oıynnyń nátıjesi boıynsha qyrǵyzstandyq hokkeıshiler qarsylastaryn 13:0 esebimen jeńdi. Bul - Qyrǵyzstan quramasynyń ekinshi jeńisi. Keshe, qańtardyń 28-i kúni olar Taıland hokkeıshilerimen kúsh synasyp, osy eldiń quramasyn 15:4 esebimen oısyrata utqan.
Búgin keshke qaraı Bahreın-Taıland jáne Kýáıt-Malaızııa oıyndary ótpek. Esterińizge sala keteıik, keshegi kezdesýlerde Malaızııanyń quramasy Bahreındi 25:0 esebimen kúırete jeńse, Kýáıttiń hokkeıshileri Mońǵolııadan 2:3 esebimen utylǵan bolatyn.
