Azıada qurmetine ulynyń atyn Alaýbek qoıdy - BQO
ORAL. 26 qańtar. QazAqparat /Eljan Eraly/ - Qazaqstan qalalaryn aralap júrgen Azıada alaýy 17 qańtar kúni Oralǵa jetkizilgen bolatyn. Dál sol kúni Qaratóbe aýdanynyń turǵyny Aıbarsha Orynbasarovany tolǵaq qysqan.
Alǵashqy barǵanda tolǵaǵy jeńil bolyp, oblys ortalyǵyndaǵy perzenthana dárigerleri qaıtaryp jiberedi. Sol kúni keshkisin ekinshi qaıtara perzenthana esigin ashqanda, anany aq jeleńdi jandar qabyldap, dárigerlik kómek kórsetedi.
Sábıge jaryq dúnıe syılamaq bolyp qınalǵan Aıbarsha Orynbasarova 18 qańtarǵa qaraǵan túni saǵat tili túngi úshti soqqanda ómirge shekesi torsyqtaı ul ákeldi. 18 qańtar kúni Azıada alaýyn oblys ákimi Baqtyqoja Іzmuhambetov bastap qala kóshelerimen alyp ótkeni belgili.
Azıada alaýymen jarysyp, ómir esigin ashqan «atqaminerge» Jeńis Orynbasarovtyń (balanyń ákesi) qurdastary «Alaýbek» dep at qoıady. Qýanyshtan tóbesi kókke jetken Jeńistiń aıtýynsha, Azıada qurmetine oraı jáne «Bek» degen jalǵaý qazaqta sultan, basshy degen maǵynany bildirgendikten, ulyna Alaýbek degen at berildi.
Alaýbek - Jeńis pen Aıbarshanyń bir ul, úsh qyzdan keıingi besinshi balasy.
