Azıada qurmetine kópshilik-sporttyq sharalar ótkizildi - BQO
ORAL. 31 qańtar. QazAqparat /Eljan Eraly/ - Aqjaıyq aýdanynyń ortalyǵy Chapaevta Azııa oıyndarynyń qurmetine kópshilik-sporttyq sharalar ótkizildi.
Alǵash sóz alǵan aýdan ákiminiń orynbasary Meńzıpa Jumatova: «Elordamyz - Astanada Azıada oıyndarynyń alaýy tutanýymen VII Qysqy Azııa oıyndary bastaldy. Bıik deńgeıdegi sport dodasyna Azııa qurlyǵynan 27 el qatysýda. Elbasy N.Nazarbaevtyń bedeli men tikeleı qoldaýynyń nátıjesinde elimizde birinshi ret qysqy Azııa oıyndarynyń Qazaqstan Respýblıkasy Táýelsizdiginiń 20 jyldyǵy qarsańynda ótýi - halqymyz úshin tamasha tabys, erekshe tarıhı oqıǵa», dedi. Sondaı-aq Qazaqstan aqyn-jyrshylar odaǵynyń múshesi Saǵyntaı Bısenǵalıev, sport ardageri Ǵıbatolla Tilebalıev jáne basqalar el sporty tuǵyrynyń bıikteı túsýine tilektestigin bildirdi.
Saltanatty jıynnan soń mektep oqýshylary men eresekter arasynda «Qysqy fýtbol», aq qar ústinde arqan tartý, shańǵy jarysy ótti. Shara barysynda qazaqstandyq patrıottyq ánder oryndaldy. «Jasa, Azıada!», «Jasa, Qazaqstan!» degen sózder erekshe leppen estilip jatty.
