Azıada qurmetine Astanada etnomádenı ortalyqtardyń «Alǵa, Qazaqstan!» kontserti ótedi
ASTANA. 25 qańtar. QazAqparat - Aldaǵy 7-qysqy Azııa oıyndarynyń nıettesteri men jankúıerleri kúnnen kúnge kóbeıýde!
2010 jylǵy 26 qańtar kúni Astana qalasynyń Ózbek etnomádenı ortalyǵy 2011 jylǵy 7-qysqy Azııa oıyndaryn Uıymdastyrý komıtetiniń atqarýshy dırektsııasy, Astana qalasynyń ákimdigi jáne Qazaqstan halqy Assambleıasynyń qoldaýymen qalamyzdaǵy etnomádenı ortalyqtardyń «Alǵa, Qazaqstan!» kontsertin ótkizedi, dep habarlady Ózbek etnomádenı ortalyǵynyń baspasóz qyzmeti.
Kontsertke qalamyzdaǵy etnomádenı birlestikterdiń shyǵarmashylyq ujymdarynyń ókilderi qatysady. Bı ansamblderi de, mýzykalyq aspaptar jáne hor ujymdary, ánshiler toptary da óner kórsetedi.
«Alǵa, Qazaqstan!» kontsertiniń qatysýshylary «Azıadany ótkizý - árbir qazaqstandyq úshin úlken qurmet» dep sanaıdy jáne olar óz talanttarymen Azıadaǵa qatysatyn sportshylarǵa qoldaý kórsetip, osyndaı orasan zor sharaǵa óz úlesterin qosýǵa qýanyshty.
«Qazaqstan óz shańyraǵy astynda ulty men mádenıeti ár túrli adamdardy biriktirýde. Túrli ult ókilderi elimizdi óz Otany dep sanaıtyn memlekette turyp jatyrmyz. Qazaqstan halqynyń tili, mádenıeti, salt-dástúri - elimizdiń qaıtalanbas kórki ári baılyǵy. 7-qysqy Azııa oıyndaryn ótkizý elimiz úshin jáne barlyq Qazaqstan halqy úshin qanshalyqty mándi ári mańyzdy ekendigin túsinýdemiz. Etnomádenı birlestikterdiń ujymdary qatysýymen ótetin kontserttik baǵdarlama ótkizý - bizdiń sportshylarymyzǵa jeńis ári jańa rekordtar jolynda qoldaý bolady degen úmittemiz», - deıdi sharanyń uıymdastyrýshylary.
Shara 2011 jyly 26 qańtar kúni «Jastar» saraıynda ótkiziledi.
