Azıada qurmetine alystaǵy aýdanda muz aıdyny ashyldy

Munyń ózi qazaqstandyqtardyń 30 paıyzynyń sportpen shuǵyldanýy qajettigi jóninde Elbasynyń Joldaýynda aıtylǵan qaǵıdamen qabysyp jatyr. Aýdan ákimi Ryspaı Óteshevtiń aıtýynsha, alańdaǵy muz aıdyny kólemi áli de keńeıtiletin bolady. Elimiz Azıada alaýyn qarsylap jatqan kúnderde munda qysqy sport túrlerinen jarystar ótkizilýde. Salaýatty ómir saltyn ustanýǵa beıim jandardyń muz aıdynyna kelip, boıyn da, oıyn da sergitýge múmkindigi bar.

Muz aıdynynyń ashylý saltanatynan keıin aýdan ákimdigi men aýdandyq balalar men jasóspirimder sport mektebiniń komandalary arasynda shaıbaly hokkeıden joldastyq kezdesý ótti. Bul saıysta aýdan ákimdiginiń komandasy jeńiske jetti. Shara barysynda budan basqa aýdan ortalyǵyndaǵy №9 kásiptik lıtseı, №1, T.Jarokov, A.Orazbaeva atyndaǵy mektepter men aýdandyq balalar-jasóspirimder týrızmi jáne ekologııa ortalyǵy shańǵyshylarynyń qatysýymen shańǵyshylar joryǵy ótkizildi.

-Jurtshylyq úshin muz aıdynyń esigi árqashan da ashyq. Bos ýaqytyn mazmundy ótkizemin deýshiler aýdandyq balalar men jasóspirimderdiń sport mektebinen konkı alyp, hokkeı oınaýǵa, syrǵanaq tebýge bolady. Aldaǵy ýaqytta aýdan ortalyǵyndaǵy mekemeler arasynda shaıbaly hokkeıden joldastyq kezdesýler uıymdastyrýdy josparlap otyrmyz. Qazir alańdy jaryqtandyrý, mýzykamen kórkemdeý jumystary júrgizilýde,-deıdi aýdandyq balalar men jasóspirimder sport mektebiniń dırektory Almat Qarataev.