Azıada kúnderi Astanaǵa keletin on eki myńnan astam meıman 34 qonaqúıge ornalastyrylady
ASTANA. 10 qańtar. QazAqparat /Gúlmıra Álıakparova/ - Azıada kúnderi jankúıerlerdi qosa eseptegende Astana qalasyna shet elderden 12 myńnan astam qonaq keledi.
Meımandardy qaladaǵy 34 qonaqúıge ornalastyrý josparlanýda.
Astana qalasynyń Týrızm jáne sport basqarmasynan málim etkendeı, 2011 jyldyń 30 qańtary men 6 aqpan aralyǵynda ótetin 7-Qysqy Azııa oıyndaryna barlyǵy 2239 adam keledi dep kútilýde. Onyń ishinde 836 - sportshylar, jattyqtyrýshylar, sport tóreshileri, dárigerler men taǵy basqalar, 403 - resmı tulǵalar men qurmetti qonaqtar, 1000 - sheteldik jáne otandyq BAQ ókilderi. Onymen birge, ár túrli elderden 10 myńnan astam jankúıerdiń sapary josparlanýda.
«Barlyq sportshylar jáne olarǵa qyzmet kórsetýshiler «tórt juldyzdy» «Kıng Otel» qonaqúıinde ornalastyrylady. Sheteldik tóreshiler - «Dıplomat», Azııa Olıpmpıadalyq keńesiniń basshylyǵy, resmı tulǵalar jáne qurmetti qonaqtar - «Redısson», «Rıksos» jáne «Pekın palas» «bes juldyzdy» meımanhanalarǵa qonystandyrylady. Sondaı-aq «Ramada Plaza» jáne «Grand park Esil» qonaqúıleriniń qyzmetteri paıdalanylady», - dep atap ótti Basqarmadan.
Sheteldik jýrnalısterdiń basym bóligi toqtaıtyn «Dýman» qonaqúıinde Baspasóz ortalyǵyn ornalastyrý josparlanýda.
Búgingi kúni ákimdik qaladaǵy barlyq qonaqúıdi pasporttandyrýdan ótkizdi. Jankúıerlerdi ornalastyrýǵa bolatyn qosymsha meımanhanalar anyqtaldy. Sondaı-aq sporttyq nysandarda sportshylar men kórermenderdi tamaqtandyrý máselesi pysyqtaldy. Sportshylarmen, kórermendermen jáne qonaqtarmen jumys isteý úshin 1000 erikti tartyldy. Oıyndar ótkiziletin jerlerge qoǵamdyq kóliktermen birge arnaıy kólik quraldary qatynaıtyn bolady. Tolyq aqparattar buqaralyq aqparat quraldarynda jarııalanady.
